Загрузка
Загрузка
Тошкент ва мамлакатимизнинг бошқа шаҳарларида арзонлаштирилган озиқ-овқат байрам ярмаркалари ишга туширилди
Жамият

Тошкент ва мамлакатимизнинг бошқа шаҳарларида арзонлаштирилган озиқ-овқат байрам ярмаркалари ишга туширилди

476
Загрузка

Ўзбекистон, Тошкент – Batafsil.uz. Тошкент ва мамлакатимизнинг бошқа шаҳарларида Мустақиллик куни арафасида арзонлаштирилган озиқ-овқат   байрам ярмаркалари ташкил қилинган. Бу ҳақда мухбиримиз хабар бермоқда.

Ижтимоий йўналтирилган ярмаркалар мамлакатимизнинг аҳоли зич жойлашган деҳқон бозорларида ташкил этилмоқда. Улар 5 сентябргача ҳар куни соат 08:00 дан 20:00 гача очиқ бўлади.

Чакана савдо шохобчаларида сотувчилар учун барча зарур шарт-шароит яратилган. Жумладан, улар раста, музлатгичлар, тарози ва маҳсулотларни сақлаш омборлари ҳамда тўлов терминаллари билан таъминланган.

Озиқ-овқат ярмаркасининг формати деҳқон ва фермерларга ўз маҳсулотларини расталарни ижарага олмасдан тўғридан-тўғри харидорларга сотиш имконини беради. Бу қишлоқ хўжалиги маҳсулотлари ишлаб чиқарувчиларининг харажатларини камайтиради ва якуний нархга ижобий таъсир қилади. Пластик карточкалар билан ҳам тўлаш имкони мавжуд.

Пойтахтимизнинг асосий 11 та - Фарҳод, Аския, Сергели, Эски Жува, Авиасозлар, Қуйлиқ, Юнусобод, Миробод, Қорақамиш, Наврўз, Чилонзор деҳқон бозорларида мева-сабзавот, полиз маҳсулотлари, дуккакли маҳсулотлар, гуруч, гўшт ва сут маҳсулотлари, тухум, ўсимлик ёғи, шакар ва турли ичимликлар савдоси ташкил этилган.

Қишлоқ хўжалиги вазирлиги тегишли ташкилотлар билан ҳамкорликда махсус озиқ-овқат ярмаркаларида қишлоқ хўжалиги маҳсулотлари сотилишини ҳар куни мониторинг қилиб боради, уларнинг нархларини назорат қилади ва бозорларнинг маҳсулотлар билан таъминланганлигини кузатади.

Ўзбекистон бўйлаб янгиликлар: Telegram-каналга уланинг  

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...