Ўзбекистон, Тошкент - Batafsil.uz. Жанубий Кореянинг Кимхэ шаҳрида 20 ёшлар атрофидаги Ўзбекистон фуқароси тўртта мушукчани бешинчи қават ойнасидан ташлаб юборгани гумони билан жавобгарликка тортилди. Ҳодиса оқибатида барча мушукчалар ҳалок бўлган.
Кимхэ марказий полиция бўлими маълум
қилишича, ўзбекистонлик аёлга нисбатан Жанубий Кореянинг Ҳайвонларни ҳимоя қилиш тўғрисидаги қонунини бузиш бўйича иш очилган. У ҳозирча қамоққа олинмаган.
Тергов маълумотларига кўра, воқеа жорий йил июль ойида Кёнсан-Намдо провинциясининг Кимхэ шаҳридаги кўп хонадонли паст қаватли уйда содир бўлган. Аёл тахминан икки ойлик бўлган тўртта мушукчани уйида боққан ва уларни бешинчи қаватдан ташлаб юборган. Натижада ҳайвонларнинг барчаси ҳалок бўлган.
Полиция аёл мушукчаларни зоомагазинлар ва ижтимоий тармоқлар орқали сотиб олган ёки қабул қилиб олганини аниқлаган.
Сўроқ вақтида аёл тушкунликдан азият чекишини ва кайфияти ёмон бўлган пайтда мушукчаларни ойнадан ташлаб юборганини айтгани хабар қилинган.
Ҳодиса ҳақида ҳайвонларни ҳимоя қилиш ташкилоти хабар топгач, 21 август куни полицияга шикоят билан мурожаат қилган. Ҳозирда ҳуқуқ-тартибот органлари ташкилот тақдим этган материаллар ҳамда гумонланувчининг кўрсатмалари асосида воқеанинг барча тафсилотларини ўрганмоқда.
Жанубий Кореяда ўзбекистонлик аёл тўрт мушукчага нисбатан шавқатсиз муносабатда бўлгани учун жавобгарликка тортилди
10
Ўзбекистон бўйлаб янгиликлар: Telegram-каналга уланинг
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0
Изоҳлар мавжуд емас