Ўзбекистон, Тошкент - Batafsil.uz. Россия ижтимоий тармоқларида Ўзбекистондан келган 27 ёшли Шахзод исмли эркак 14 ёшли Анастасия исмли қиз билан учрашиб, у билан жинсий алоқа қилиш ниятида бўлганини тан олгани акс этган видеолар тарқалмоқда. Унинг милицияси ходимлари қўлга олган.
Видеодаги суҳбатда эркакдан орган ходими исми, ёши ва қаердан келганини сўраган. У Ўзбекистондан эканини ва 27 ёшдалигини айтган. Шунингдек, Telegram орқали Анастасия исмли қизга ёзганини, унинг 14 ёшда эканини билганини маълум қилган.
Суҳбат давомида ундан қиз билан нима мақсадда учрашмоқчи бўлгани сўралганда, у жинсий алоқа қилиш нияти бўлганини айтган. Эркак 14 ёшли қиз билан жинсий алоқа қилишни таклиф қилганини ҳам тасдиқлаган.
Унга вояга етган эркак сифатида вояга етмаган қизга бундай таклиф билан мурожаат қилгани тушунтирилганида, у буни англашини билдирган. Бу ҳолатни нормал деб ҳисоблайсизми, деган саволга эса "йўқ, кечирасиз", деб жавоб берган.
Айни пайтда видеонинг қачон, қаерда ва қандай ҳолатда тасвирга олингани, ундаги шахснинг шахси ҳамда воқеа юзасидан ҳуқуқни муҳофаза қилувчи органлар томонидан расмий маълумот берилгани ҳақида аниқ маълумот йўқ.
Аввалроқ Россияда ўзбекистонлик таксист йўловчини бейсбол таёқчаси билан уриб, 5 йилга қамалганди.
Изоҳлар мавжуд емас