Ўзбекистон, Тошкент - Batafsil.uz. Тошкентнинг Яккасарой туманида Братислава, Глинка ва Шота Руставели кўчалари чорраҳасида ҳаракат вақтинча чекланди. Чекловлар 11 июль соат 22:00 дан 14 июль соат 06:00 гача амал қилади.
Пойтахт ҳокимлигидан маълум қилишларича, чора-тадбирлар қурилиш-монтаж ишлари билан боғлиқ. Расмий билдиришномага кўра, Братислава ва Глинка кўчалари бўйлаб ҳаракатланаётган транспорт воситалари учун чорраҳада фақат ўнгга бурилишга рухсат берилади - тўғрига ва чапга ҳаракатланиш вақтинча тақиқланади.
Шота Руставели кўчаси томондан фақат тўғрига ва ўнгга юриш мумкин бўлади.
Ҳайдовчиларга йўналишни олдиндан режалаштириш ва шаҳар бўйлаб ҳаракатланишда чекловларни ҳисобга олиш тавсия этилади.
Изоҳлар мавжуд емас