Ўзбекистон, Тошкент - Batafsil.uz. Ижтимоий тармоқларда шов-шув бўлган ноодатий тўй кортежи иштирокчилари ЙҲХБ томонидан аниқланиб, қонуний чора кўрилди.
Бухоро вилоятининг Жондор туманида бир гуруҳ ёшлар ўзгача тўй кортежи ташкил қилиш мақсадида енгил автомобиллар билан бир қаторда қишлоқ хўжалиги тракторларидан ҳам фойдаланишган. Йўл ҳаракати хавфсизлиги қоидаларини менсимай, гуруҳ бўлиб ҳаракатланган ушбу "карвон "акс этган видео тезкорлик билан ўрганилган.
Қоидабузарликда иштирок этган барча транспорт воситалари, жумладан, тракторлар ҳам жарима майдончасига жойлаштирилган.
Ҳайдовчиларга нисбатан Ўзбекистон Республикаси Маъмурий жавобгарлик тўғрисидаги кодексининг 129-моддаси (Йўл ҳаракати хавфсизлигига таҳдид солувчи гуруҳ бўлиб ҳаракат қилиш) билан баённома расмийлаштирилган.
Тўй соҳиблари ва ҳайдовчилар ўз қилмишларидан пушаймон эканликларини ва бундай ҳаракат бошқа такрорланмаслигини таъкидлашган:
"Ният қилгандик, трактор билан кортеж қилдик, лекин бошқаларга буни маслаҳат бермаймиз. Бу жуда қимматга тушди", — дейди кортеж иштирокчиларидан бири.
Эслатиб ўтамиз, аввалроқ келин-куёв маросим жойига одатий лимузинда эмас, Isuzu эвакуаторида келишганди. Тўй кортежини эса ҳашаматли седан эмас, балки ҳақиқий КамАЗ-самосвал якунлаган эди.
Изоҳлар мавжуд емас