Ўзбекистон, Тошкент - Batafsil.uz. 2026/2027 ўқув йилидан бошлаб Ҳуқуқни муҳофаза қилувчи органлар академиясида "Киберхуқуқ" бакалавриат дастури бўйича қабул жараёнлари старт олади. Дастур тўрт йилга мўлжалланган бўлиб, электрон ишларни юритиш ва жиноятларни тергов қилишда рақамли технологиялардан фойдалана оладиган мутахассисларни тайёрлашга қаратилган.
Ушбу дастур "Рақамли прокуратура – 2030" стратегияси доирасида яратилаётган бўлиб, жиноят ишларини юритиш жараёнларини автоматлаштириш ва ҳуқуқни муҳофаза қилувчи органлар фаолиятининг очиқлигини оширишни мақсад қилади.
Битирувчилар прокуратура ва бошқа куч тузилмаларида замонавий рақамли воситаларни амалий фаолиятда қўллай олиш имконига эга бўлади.
Эслатиб ўтамиз, 2025 йил 1–30 ноябрь кунлари Ўзбекистонда "Кибермаданиятни ошириш ойлиги" акцияси ўтказилади. Тадбир аҳолини рақамли хавфсизлик асосларига ўргатиш ва интернет-фирибгарликнинг олдини олишга қаратилган.
Изоҳлар мавжуд емас