Загрузка
Загрузка
Ҳукумат помидор нархининг кескин ошганлиги сабабини тушунтириб  берди
Жамият

Ҳукумат помидор нархининг кескин ошганлиги сабабини тушунтириб берди

533
Загрузка

Ўзбекистон, Тошкент – Batafsil.uz. Қишлоқ хўжалиги хизматлари агентлиги жорий йил баҳорида   помидор нархи қимматлашганининг расмий сабабини ошкор қилган. Маълум бўлишича, ҳаммасига аномал совуқлар айбдор. Бироқ, ўзбекистонлик мутахассисларнинг прогнозларига кўра, нархлар апрель-май ойларида тушиши керак. Бу ҳақда мухбиримиз хабар бермоқда.

Қишлоқ хўжалиги хизматлари агентлиги лойиҳа офиси раҳбари Бегзод Салимовнинг сўзларига кўра, январь ойида кузатилган қаттиқ совуқлар таъсири туфайли иссиқхоналарда етиштирилган помидорларнинг пишиши ва сотилиши бироз кечикмоқда.

“Одатда ушбу мавсумда помидор иссиқхоналарда 90 кунда пишиб етилса, бу йил ушбу муддат 120 кунга чўзилмоқда. Бу эса помидорнинг бозорларда бироз камлигига ва нархининг юқори бўлишига сабаб бўлди. Мана ҳозирда иссиқхоналарда помидор ҳосиллари пишиб етилмоқда. Апрелнинг ўрталари ва майнинг бошларида эса иссиқхоналардаги помидорлар ғарқ пишади ва бу унинг бозорларда кўпайишига ва нархларнинг барқарорлашига олиб келади”, -деди у.

Республикамизда умумий 6 минг гектардан зиёд иссиқхоналаримиз мавжуд бўлиб, шундан 3, 5 минг гектари газ орқали, 1,5 минг гектари кўмир ва қолган 1000 гектари бошқа турдаги муқобир ёқилғи турлари орқали иситилади.

2022 йилда республика иссиқхона хўжаликларида 194 минг тонна помидор етиштирилган.

Ўзбекистон бўйлаб янгиликлар: Telegram-каналга уланинг

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...