Ўзбекистон, Тошкент - Batafsil.uz. Ўзбекистонда Атом энергетикаси соҳасида минтақавий билим ва кўникмалар маркази ташкил этилади. Янги майдонча Ўзбекистон ва Марказий Осиё мамлакатлари ядровий дастури учун кадрлар тайёрлайди.
Марказ “МИФИ” Миллий тадқиқот ядро университетининг Тошкент филиали негизида ташкил этилмоқда. Унинг асосий вазифаси Ўзбекистоннинг ядро-энергетика дастурини амалга ошириш учун атом саноатини малакали кадрлар билан таъминлашдан иборат.
Марказ мутахассисларни тайёрлаш, қайта тайёрлаш ва малакасини ошириш, илмий тадқиқотлар ва амалий ишланмалар ўтказиш, етакчи хорижий университетлар ва илмий ташкилотлар билан ҳамкорликни ривожлантириш, замонавий таълим дастурларини жорий этиш ва лаборатория базасини ривожлантириш, шунингдек, халқаро лойиҳалар, семинарлар ва алмашинув дастурларини ташкил этиш билан шуғулланади.
Марказ минтақавий ҳамкорлик майдончасига айланади. Марказий Осиё давлатларидан келган мутахассислар бу ерда, жумладан, атом электр станциялари ускуналарининг замонавий симуляторларида таълим ва амалий тайёргарликдан ўтишлари режалаштирилган.
Аввалроқ Ўзбекистон Саноат, радиация ва ядро хавфсизлиги қўмитаси "RITM-200N" ядровий қурилмаси билан энергия блокини қуриш учун лицензия берган эди.
Изоҳлар мавжуд емас