Ўзбекистон, Тошкент - Batafsil.uz. АҚШ президенти Дональд Трамп ўзининг йиллик молиявий декларациясида оиласининг криптовалюта лойиҳалари билан боғлиқ 1,4 миллиард доллардан ортиқ даромадларини кўрсатган.
Reuters хабарига кўра, қарийб 800 миллион доллар Трамп ва унинг ўғиллари иштирокида яратилган World Liberty Financial крипто лойиҳасига тўғри келган. Ушбу суммага токенларни сотишдан, шунингдек, бизнесдаги улушларни сотишдан олинган даромадлар киритилган.
Яна 635 миллион доллар декларацияда Трамп бренди билан боғлиқ мемкоинлардан олинган даромад сифатида кўрсатилган.
Молиявий ҳисобот 2025 йилни қамраб олади. У криптовалюта лойиҳалари АҚШ президенти билан боғлиқ тузилмаларнинг энг йирик даромад манбаларидан бирига айланганини кўрсатади.
Аввалроқ Трамп Қўшма Штатларни жаҳон крипто саноати марказига айлантириш ниятида эканлигини маълум қилган эди. Унинг администрацияси сўнгги ойларда соҳани тартибга солишни юмшатди ва рақамли активлар бозорининг ривожланишини қўллаб-қувватлади.
Эслатиб ўтамизки, Трамп параллел равишда унинг криптовалюталари харидорларидан даромад олган. 2025 йил январь ойида $TRUMP ва $MELANIA мемкоинлари ишга туширилди. Trump Organization дастлаб $TRUMP томонидан чиқарилган 1 миллиард токеннинг 800 миллиони устидан назоратни сақлаб қолди.
2025 йил май ойида Ўзбекистонда мемкоинлар савдоси расман бошланди.
Трампнинг қўшимча даромад манбалари бренд китоблар, соатлар ва Инжиллар сотувидан олинадиган лицензия тўловлари, шунингдек, технология гигантларининг кўп миллионли тўловлари: "Meta"дан 24,5 миллион доллар ва "Alphabet"дан 22 миллион доллар унинг президент кутубхонаси ва Оқ уй инфратузилмасини молиялаштиришга йўналтирилган.
Изоҳлар мавжуд емас