Ўзбекистон, Тошкент - Batafsil.uz. Тошкентдаги машҳур "Янгиобод" бозори шаҳар жамоат инфратузилмасини янгилаш дастури доирасида реконструкция қилинади. Шаҳар ҳокимлиги маълум қилишича, ишлар давомида бозорнинг ўзига хос муҳити, анъанавий савдо йўналиши ва амалдаги сотувчиларнинг савдо ўринлари сақлаб қолинади.
Расмий хабарга кўра, лойиҳадан асосий мақсад бозорни бошқа форматга ўтказиш эмас, балки ҳудудни ободонлаштириш, санитария шароитларини яхшилаш ва хавфсизликни таъминлашдан иборат.
Шунингдек, бозор ҳудудида пиёдалар учун қулай йўлаклар ташкил этилади ва автотураргоҳлар масаласи ҳал қилинади.
Айни пайтда шаҳар ҳокимлиги лойиҳачилар билан ҳамкорликда янгилаш концепциясини ишлаб чиқмоқда. Ҳужжат тайёр бўлганидан сўнг кенг жамоатчилик ва тадбиркорлар муҳокамасига тақдим этилади. Фуқаролар ўз таклиф ва мулоҳазаларини билдириши мумкин бўлади.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас