Ўзбекистон, Тошкент - Batafsil.uz. 2026 йилнинг январь–июнь ойларида Ўзбекистонда кузатилмайдиган иқтисодиётнинг ялпи қўшилган қиймати 245,5 триллион сўмни ташкил этди. Унинг ялпи ички маҳсулотдаги улуши 22,9 фоизга етган.
Миллий статистика қўмитаси маълумотларига кўра, кузатилмайдиган иқтисодиётнинг 165,5 триллион сўми уй хўжаликлари ва жисмоний шахслар фаолияти ҳисобига тўғри келган. Бу ЯИМнинг 15,4 фоизини ташкил этган.
Яширин иқтисодиёт ҳажми эса 80 триллион сўмга тенг бўлиб, унинг ЯИМдаги улуши 7,5 фоизни ташкил қилган.
Уй хўжаликлари ва жисмоний шахслар фаолияти ҳамда яширин иқтисодиёт ҳажмининг фаолият турлари бўйича таркибида энг катта улуш қишлоқ, ўрмон ва балиқчилик хўжалигига тўғри келган — 60,5 фоиз.
Хизматлар соҳасининг улуши 23 фоизни, қурилишнинг улуши 17,8 фоизни, саноатнинг улуши эса 6,7 фоизни ташкил этган.
Изоҳлар мавжуд емас