Ёмғир ва ҳавонинг совуқлашиши  кутилмоқда. Синоптиклар ҳафтанинг об-ҳаво башоратини тақдим қилишган
Жамият

Ёмғир ва ҳавонинг совуқлашиши кутилмоқда. Синоптиклар ҳафтанинг об-ҳаво башоратини тақдим қилишган

641

Ўзбекистон, Тошкент – Batafsil.uz. Ўзгидромет келаётган ҳафтанинг об-ҳаво башоратини маълум қилган. Сешанба ва чоршанба кунлари ёмғирли ва совуқроқ ҳаво кутилмоқда. Ҳафта якунида эса яна иссиқ қайтади. Бу ҳақда мухбиримиз хабар бермоқда.

“Узоқ муддатли қуруқ об-ҳаводан сўнг, бугун Ўзбекистоннинг жанубий-ғарбий ҳудудларига Туркманистон устида шаклланган юқори циклон билан боғлик нам ҳаво массаси тарқала бошлайди”, -дея маълум қилишмоқда синоптиклар.

Бухоро, Навоий, Қашқадарё, Сурхондарё ва Самарқанд вилоятларининг баъзи жойларида қисқа муддатли ёмғир ёғади, момақалдироқ бўлиши мумкин. Республиканинг қолган ҳудудларида ёғингарчиликсиз об-ҳаво сақланиб туради. Кундузги ҳаво ҳарорати 25-30° атрофида, ёмғир пайтида 20-25° бўлади.

19-20 апрель кунлари Ўзбекистоннинг барча ҳудудларига циклон таъсири тарқалади. Республика бўйича ёмғир ёғади, баъзи жойларда кучли бўлиши мумкин. Ҳаво ҳарорати аста-секин пасаяди ва 20 апрелда 28-23° ни ташкил этади.

18 ва 19 апрель кунлари   айрим ҳудудларда шамол 17-22 м/с гача кучаяди, баъзи жойларда чанг тўзон кузатилади.

Иш ҳафтасининг иккинчи ярмида Ўзбекистон бўйича қуруқ об-ҳаво бўлиши кутилмоқда. Кечалари бироз салқин бўлади, 22 апрелга келиб кундуз куни ҳарорат яна 25-28° гача кўтарилади.

18-21 апрелда республиканинг тоғ олди ва тоғли ҳудудларида сел-тошқин ҳодисалари кузатилиши мумкин.

Ўзбекистон бўйлаб янгиликлар: Telegram-каналга уланинг 

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...