Ўзбекистон, Тошкент – Batafsil.uz. Ўзбекистон қиличбозлик Федерацияси Италияда спортчи қизнинг зўрлангани ҳақидаги баёнотни рад этган ва бу маълумотлар уйдирма экани, қолаверса, ўзбекистонлик спортчиларни обрўсизлантиришган қаратилганини билдирган. Бу ҳақда мухбиримиз хабар бермоқда.
Эслатиб ўтамизки, бир кун олдин Италия ва маҳаллий оммавий ахборот воситалари ва ижтимоий тармоқларда ўзбекистонлик спортчи қизнинг зўрлангани ҳақида хабар тарқалди.
Бугун қиличбозлик Федерацияси ушбу маълумотни рад этадиган расмий баёнот билан чиққан.
“2023 йил август ойи бошида қиличбозлик жамоаси аъзолари Италиядаги халқаро ўқув лагерларида эмас, балки Хитойда бўлиб ўтган Жаҳон Универсиада мусобақаларида қатнашган эди",- деди Федерация.
Федерациянинг фикрича, бундай уринишлар кучли спортчиларни тўғридан-тўғри обрўсизлантиришга қаратилган спорт-сиёсий фитналарнинг энг кенг тарқалган усулларидан биридир.
Федерация вакилларининг фикрича, бу маълумот ўзбекистонлик қиличбозлар жаҳон рейтингида етакчилик қилаётган бир пайтда Италия қиличбозлик Федерацияси раҳбарияти томонидан тайёр сценарий бўйича ёзилган сохта хабардир.
Изоҳлар мавжуд емас