Ўзбекистон, Тошкент - Batafsil.uz. Ўзбекистонда автомобилларга техник хизмат кўрсатиш ва таъмирлаш харажатлари барқарор ўсишда давом этмоқда. Январь-ноябрь ойларида ушбу хизматлар 6,9 фоизга қимматлашди.
Миллий статистика қўмитаси маълумотларига кўра, ўтган йилнинг шу даврига нисбатан йиллик ҳисобда ўсиш 7,8 фоизни ташкил этган. 2025 йилнинг ноябрь ойида ушбу хизматлар нархлари ўтган ойга нисбатан ўртача 0,7% га ошган.
Ушбу кўрсаткичлар мамлакатдаги йиллик инфляция даражасининг умумий динамикасига мос келади. Аввалроқ, октябрь ойида бу кўрсаткич 7,8 фоизни ташкил этгани хабар қилинганди. Нархларнинг энг катта ўсиши гўшт, сабзавотлар ва хизматлар, шу жумладан ички авиақатновлар ва коммунал тўловлар бўйича қайд этилган бўлса, баъзи мевалар ва ноозиқ-овқат товарлари арзонлашди.
Изоҳлар мавжуд емас