Ўзбекистон, Тошкент - Batafsil.uz. Ўзгидромет 28 август — 1 сентябрь кунлари Ўзбекистонда кузатиладиган об-ҳаво ҳақида маълумот берди. Кундузги ҳарорат 33–38 даража, жанубда айрим жойларда 39–40 даража атрофида бўлади.
Шу билан бирга, 31 августдан мамлакатнинг шимоли-ғарбий ҳудудларига салқин ҳаво кириб келиб, ҳарорат 25–30 даражагача пасаяди. 1 сентябрда салқин ҳаво массаси республика ҳудудининг барча жойларига тарқалиб, ҳарорат яна 3–5 даражага тушиши кутилмоқда.
Кунлар асосан қуруқ ўтади. Айрим ҳудудларда шамол тезлиги 13–18 м/с гача кучайиши, баъзи жойларда эса 20–22 м/с гача бўлган кучли шамол ва чанг-тўзон кузатилиши мумкин.
Тошкентда 28–30 август кунлари ҳаво 35–38 даража, 31 августда 34–36 даража, 1 сентябрда эса 30–32 даража бўлади. Шаҳарда ёғингарчилик кутилмайди.
Изоҳлар мавжуд емас