Ўзбекистон, Тошкент – Batafsil.uz. Соғлиқни сақлаш вазирлигига ҳавола қилган ҳолда мухбиримиз маълум қилишича, Ўзбекистонда полимер занжирли реакция (ПЗР) усулида текширилган таҳлил натижаси манфий чиққанини кўрсатувчи ягона маълумотномалар жорий қилинмоқда.
Вазирликнинг таъкидлашича, бу чоралар маълумотномаларни бериш жараёнини соддалаштириш, шунингдек сохталаштиришнинг олдини олиш учун жорий қилинмоқда. Мазкур маълумотномалар чегара назорат пунктларига тўлов квитанцияси билан бирга тақдим этилгандагина ҳақиқий ҳисобланади.
Ушбу жараён билан параллель равишда Транспорт вазирлиги ва Соғлиқни сақлаш вазирлиги мазкур тест натижаларини электрон базага киритиб боришади. Шунингдек, иш самарадорлигини ошириш учун маълумотномаларни штрих-код (QR-код)лар билан таъминлаш режалаштирилган.
Изоҳлар мавжуд емас