Ўзбекистон, Тошкент - Batafsil.uz. Ўзбекистон томонидан Эрон халқини қўллаб-қувватлаш ва ҳамжиҳатлик кампанияси доирасида ажратилган инсонпарварлик ёрдамининг иккинчи карвони Эрон ҳудудига кириб борди.
Маълум қилинишича, таркиби 15 та йирик юк автомобилидан иборат бўлган мазкур навбатдаги инсонпарварлик карвони Эронга "Даргаз" қуруқликдаги чегара мажмуаси орқали ўтган. Юк машиналарига асосан зарур фармацевтика маҳсулотлари ҳамда тиббий буюмлар ва воситалар юкланган.
Мазкур кўмак юклари тез орада Эрон Қизил Ярим Ой жамияти вакилларига расмий тарзда топширилади ва эҳтиёжманд аҳоли қатламларига етказилади. Ушбу ташаббус икки давлат ўртасидаги инсонпарварлик ва дўстлик алоқаларини янада мустаҳкамлашнинг узвий давоми ҳисобланади.
Изоҳлар мавжуд емас