Ўзбекистон, Тошкент - Batafsil.uz. АҚШнинг Сиэтл шаҳри мэри Кэти Баррет Уилсон 2026 йил 1 сентябрни расман "Ўзбекистон Мустақиллиги куни" деб эълон қилди. Қарор Ўзбекистон мустақиллигининг 35 йиллиги муносабати билан қабул қилинган.
Мэр томонидан имзоланган прокламацияда Ўзбекистоннинг 35 йил давомида суверенитет, тараққиёт ва кенг кўламли ўзгаришлар йўлидан бораётгани қайд этилган. Шунингдек, Сиэтлда Ўзбекистон Бош консулхонаси фаолияти йўлга қўйилгани ва бу шаҳарни мамлакатнинг АҚШдаги бевосита дипломатик ваколатхонаси мавжуд бўлган кам сонли шаҳарлардан бирига айлантиргани таъкидланган.
Ҳужжатда Ўзбекистон Марказий Осиёнинг энг кўп аҳолига эга давлати ва минтақадаги жадал ривожланаётган иқтисодиётлардан бири экани қайд этилган. Сиэтл билан савдо, инвестиция, логистика, технология ва энергетика соҳаларида ҳамкорлик қилиш учун катта имкониятлар мавжудлигига урғу берилган.
Ўзбекистоннинг Вашингтондаги бош консули Аҳрор Бурҳонов мазкур қарор мамлакат учун катта шараф эканини таъкидлаган.
Маълум қилинишича, 4 сентябрь куни Сиэтлда Ўзбекистоннинг АҚШ Ғарбий соҳилидаги биринчи Бош консулхонасининг расмий очилиш маросими бўлиб ўтади. Унда Вашингтон штати ва Сиэтл шаҳри раҳбарияти, дипломатлар, йирик компаниялар, академик доиралар ҳамда жамоатчилик вакиллари иштирок этиши кутилмоқда.
Эслатиб ўтамиз, илгарироқ Шавкат Мирзиёев Дональд Трампга миллий ўзбек айвонларини совға қилганди.
Изоҳлар мавжуд емас