Ўзбекистон, Тошкент - Batafsil.uz. "Ўзбекнефтгаз" акциядорлик жамиятининг собиқ бошқарув раиси Баҳодиржон Сидиқовга нисбатан жиноят иши судга оширилди. Бу ҳақида Batafsil.uz мухбирига Олий суд матбуот котиби Абидов Азиз маълум қилди.
Айбловга кўра, Сидиқов Жиноят кодексининг 167-моддаси (ўзлаштириш ёки растрата йўли билан талон-торож қилиш), 205-моддаси (ҳокимият ёки мансаб ваколатини суиистеъмол қилиш) ҳамда 209-моддаси (мансаб сохтакорлиги)нинг бир қатор қисм ва бандлари бўйича жавобгарликка тортилмоқда.
Мазкур иш доирасида Сидиқовдан ташқари яна саккиз нафар шахс ҳам судланмоқда. Улар орасида Enter Engineering Pte. Ltd бош директори Улуғбек Усмонов, Eriell Management компанияси директори Нодиржон Бобоев ҳамда "Ўзбекнефтгаз" бошқарув раисининг собиқ ўринбосари Бахтиёр Анарқулов ҳам бор.
Жами тўққиз нафар шахсга нисбатан суд муҳокамаси ўтказилади.
Маълумот учун, собиқ раҳбар 17 декабрь куни бошқа ишга ўтиши муносабати билан лавозимидан озод этилганди ва унинг ўрнига янги раҳбар тайинланган эди.
Изоҳлар мавжуд емас