Ўзбекистон, Тошкент - Batafsil.uz. Андижон вилоятидаги Пойтуғ темир йўл станциясида вагон-цистернага чиқиб олган эркакка юқори кучланишли ток урган. Воқеа ижтимоий тармоқларда тарқалган видеога тушиб қолган.
Бош прокуратуранинг Batafsil.uz мухбирига маълум қилишича, воқеа 10 июнь куни соат 17:30 ларда содир бўлган. Жабрланувчи Избоскан туманида яшовчи 47 ёшли эркак. Дастлабки маълумотларга кўра, у руҳий ҳаста. Эркак бекатда мақсадсиз ҳаракатланиб, цистернага чиққан ва у ерда ток урган.
Жабрланувчига биринчи тиббий ёрдам кўрсатилиб, тиббиёт муассасасига етказилган.
Ҳолатга аниқлик киритиш мақсадида ИИБ ходимлари воқеа жойига етиб борган. Тергов натижалари кейинроқ эълон қилинади.
Эслатиб ўтамизки, май ойида поезд вагони томида селфи қилмоқчи бўлган 12 ва 13 ёшли тошкентлик икки ўсмир электр токи уриши оқибатида жароҳат олган эди. Улардан бири жиддий куйиш жароҳатини олган.
Изоҳлар мавжуд емас