Ўзбекистон, Тошкент - Batafsil.uz. Мотоцикл ҳайдовчиси ва унинг йўловчисига шортик кийган номаълум эркак пичоқ билан таҳдид қилгани акс этган видео ижтимоий тармоқларда тарқалиб, кенг жамоатчилик эътирозига сабаб бўлди. Вазиятга ҳуқуқ-тартибот идоралари аралашган.
Андижон вилояти ИИБдан маълум қилишларича, эркакнинг ҳаракатларига ҳуқуқий баҳо берилган. Унга нисбатан Жиноят кодексининг икки моддаси - 112 (ўлдириш ёки зўрлик ишлатиш билан қўрқитиш) ва 169 (ўғрилик) билан жиноят иши қўзғатилган. Гумонланувчига нисбатан қамоққа олиш тарзидаги эҳтиёт чораси танланган.
Тажовузкорнинг ўз сўзларига кўра, у ўша пайтда маст бўлган. Пичоқни пивохонада ичиб ўтирган жойидан олган.
"Кейин такси чақирдим. Етиб боргач, мотоциклчилар олдига бориб, нега бунчалик тез юришаётганини сўрадим ва уларга пичоқ билан таҳдид қила бошладим," - дейди у.
Шунингдек, тергов унинг ўзи миниб келган Spark ҳайдовчисига ҳам таҳдид қилиб, қўл кўтарганини аниқлаган. Эркак йўлкира ва такси ҳайдовчиси учун 100 минг сўм тўламаган.
Терговнинг бориши прокуратура назорати остида.
Изоҳлар мавжуд емас