Ўзбекистон, Тошкент - Batafsil.uz. Қашқадарё вилояти Миришкор туманида жамоатчилик орасида шов-шувга сабаб бўлган Nexia-3 билан боғлиқ ҳолат юзасидан ҳуқуқ-тартибот идоралари ходимлари томонидан суриштирув ишлари бошланди.
Вилоят ИИБ матбуот хизмати хабарига кўра, можаро 8 июль куни маҳаллий умумий овқатланиш муассасаларидан бирининг ҳудудида содир бўлган. Икки киши муассаса эгаси билан келишмовчиликдан сўнг машинага утириб кетиш чоғида ошхона эгасининг икки қариндоши уларни тўхтатмоқчи бўлган, бироқ ҳайдовчи талабларга эътибор бермай, одамларни йўл бўйлаб судраб кета бошлаган.
Ҳозирда ҳуқуқ-тартибот идоралари ходимлари далилларни тўплаб, воқеанинг барча тафсилотларини аниқламоқда.
Текширув жараёни ва унинг натижалари ҳақида жамоатчилик қўшимча равишда хабардор қилинади.
Изоҳлар мавжуд емас