Ўзбекистон, Тошкент - Batafsil.uz. Жиззахлик фуқаронинг мурожаати асосида ўтказилган тезкор тадбирда, ўзганинг фарзанди тасвирлари орқали ноқонуний эҳсон йиққан 27 ёшли шахс аниқланди. Тошкент вилоятининг Бўка туманида яшовчи ушбу фуқаро Telegram орқали сохта хайрия кампанияларини ташкил этиб, тушган маблағларни шахсий эҳтиёжларига сарфлаган.
Тергов жараёнида маълум бўлишича, 27 ёшли судланувчи аввал касалликка чалиниб, тузалиб кетган ёки даволанишга муҳтож болаларнинг расм ва видеоларини ижтимоий тармоқлардан йиғиб олган.
Telegram гуруҳларида ушбу тасвирларни қайта жойлаштириб, матн остига беморнинг эмас, балки ўзининг банк пластик карта рақамларини ёзиб қолдирган.
Фирибгар ҳатто ариза муаллифининг фарзанди бўйича аввал қилинган ҳақиқий ёрдам сўровларини ҳам ўзлаштириб, ота-онанинг розилигисиз тарқатган.
Ҳозирда мазкур ҳолат юзасидан Ўзбекистон Республикаси Жиноят кодексининг 168-моддаси (Фирибгарлик) 3-қисми "б" ва "г" бандлари билан жиноят иши қўзғатилган. Ушбу моддага кўра, кибер-воситалар ёрдамида содир этилган фирибгарлик учун жиноий жавобгарлик муқаррардир.
Эслатиб ўтамиз, Андижонда инсонларнинг ҳис-туйғуларидан фойдаланиб, "Умра" баҳонасида 22 миллион доллар ўзлаштирилган гуруҳнинг фирибгарлик ҳолатлари фош этилганди.
Изоҳлар мавжуд емас