Ўзбекистон, Тошкент – Batafsil.uz. Кучишлатар идоранинг маълумотларига асосланган ҳолда мухбиримиз хабар беришича, ер билан боғлиқ фирибгарлик ҳаракатлари учун ҳокимликларнинг бир нечта собиқ ходимлари Давлат хавфсизлик хизмати томонидан қўлга олинган.
"Бухоро вилояти Пешкў туманида илгари хокимият тизимида ишлаган икки нафар фуқаро қурилиш билан шуғулланувчи масъулияти чекланган жамият раҳбари ишончига кириб, унга бу ҳудуддан кўп қаватли бино қуриш учун хокимиятдаги танишлари орқали 19 сотих ер ажратишда ёрдам кўрсатишга ваъда бериб, бу хизмати учун 38 минг доллар талаб қилишган", – дейилмоқда ДХХ матбуот хизмати хабарида.
Фирибгарлар талаб қиилнган пулни олиш пайтида қўлга олинган.
Бундан ташқари, Сурхондарё вилоятида ўтказилган тезкор тадбир давомида Термиз шаҳрида яшовчи вилоят ҳокимлиги қурилиш мажмуасининг собиқ ходими Бандихон туманида жойлашган ўзи бошқарган масъулияти чекланган жамият балансидаги икки гектар суғориладиган ерни 30 минг долларга сотаётганида қўлга олинган.
Дастлабки тергов давомида аниқланишича, 2020 йилда вилоят ҳокимлиги ер ресурслари ажратилишини кўриб чиқиш комиссиясининг йиғилиши баённомасига асосан, бу ер унга иссиқхона ташкил этиш учун бепул тақдим этилганлиги бўлсада, ҳеч қандай амалий иш олиб борилмаган.
Эслатиб ўтамизки, Тошкентнинг Янгиҳаёт тумани ҳокимлиги ходими ДХХ томонидан қўлга олинган. У шериги билан биргаликда тадбиркорга 148 минг доллар эвазига ер ажратишни ваъда қилган.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас