Ўзбекистон, Тошкент - Batafsil.uz. Фарғона вилоятида тадбиркорлар 2,8 мингта рангли мониторларни арзон дисплейлар кўринишида олиб киришга уринган. Бундай схема давлат бюджетига 350 миллион сўм зарар етказиши мумкин эди.
Божхона қўмитаси матбуот хизматининг маълум қилишича, қоидабузарлик "Водий" постида аниқланган. Тадбиркорлардан бирининг номига олиб кирилган юклар кўздан кечирилганда, 2,8 минг монитор "суюқ кристалли дисплей" деб расмийлаштирилгани маълум бўлди. Аслида эса бу юқори божхона тўлови солинадиган "суюқ кристалли рангли монитор" бўлиб чиқган.
Партиянинг қиймати 2,6 миллиард сўмдан ошган. Идоранинг таъкидлашича, ҳатто ўхшаш товарлар ҳам турли кодлар бўйича таснифланади ва декларацияда коднинг тўғри кўрсатилиши бюджетга тушумларга бевосита таъсир қилади.
Эслатиб ўтамиз, аввалроқ Тошкент аэропорти божхонасида қиймати 70 миллион сўмлик олтин қуймаларини ноқонуний олиб чиқишга уринишнинг олди олинган эди.
Изоҳлар мавжуд емас