Ўзбекистон, Тошкент – Batafsil.uz. Сурхондарё вилояти Денов туманида бир гуруҳ аёллар ЙПХ ходими билан жанжаллашиб қолгани юзасидан ҳуқуқ-тартибот идоралари ходимлари муносабат билдирди. Воқеа акс этган видео кеча ижтимоий тармоқларда тарқалди.
Маълум бўлишича, Lacetti ҳайдовчиси қарама-қарши йўналишга чиқиб кетган ва бунинг учун инспектор томонидан тўхтатилган. Ҳужжатларни кўрсатиш талабига у жавоб бермади, шундан сўнг унинг қариндошлари аралашиб, ўзларини тажовузкорона тута бошладилар.
Бош прокуратура матбуот котиби Ҳаёт Шамсутдиновнинг маълум қилишича, мазкур ҳолат юзасидан Жиноят кодексининг 277-моддаси (безорилик) билан жиноят иши қўзғатилган. Воқеа иштирокчиларидан уч нафари процессуал тартибда ушланган. Ҳозирда тергов ҳаракатлари олиб борилмоқда.
Изоҳлар мавжуд емас