Ўзбекистон, Тошкент - Batafsil.uz. Бугун, 8 июль куни Тошкент вилоятидаги автомобиль йўлларидан бирида икки автомобиль иштирокида йўл-транспорт ҳодисаси содир бўлди. Йўл-транспорт ҳодисасида жароҳатланган уч киши шифохонага ётқизилган.
Бу ҳақда Тошкент вилояти ЙҲХБ матбуот хизмати хабар берди.
Damas ва Cobalt иштирокидаги ЙТҲ соат 09:00 ларда Олмалиқ шаҳридан Пискент туманига олиб борувчи автомобиль йўлининг 14-километрида содир бўлган.
Тўқнашув оқибатида уч нафар фуқаро турли даражада тан жароҳати олиб, шифохонага ётқизилган.
Мазкур ҳолат юзасидан Пискент тумани ИИБ ходимлари томонидан дастлабки тергов ҳаракатлари олиб борилмоқда.
Эслатиб ўтамиз, аввалроқ пойтахтнинг Янгиҳаёт туманида Damas ҳайдовчиси бошқарувни йўқотиб, йўл четида турган юк машинасига бориб урилганди. Тўқнашув оқибатида у жароҳат олган, шифокорлар унга биринчи тиббий ёрдам кўрсатган.
Изоҳлар мавжуд емас