Ижтимоий тармоқларда тарқалган маълумотларга кўра, автомобил йўлдан чиқиб кетиб, тротуар орқали ҳаракатланган, йўл четидаги дарахтни уриб синдирган ва шундан сўнг кафе биносига бориб урилган.
Ҳозирча жароҳатланганларнинг аҳволи ва ҳодисанинг аниқ сабаблари ҳақида расмий маълумот берилмаган. Аммо кадрларда бир инсоннинг йўл четида жиддий жароҳат олиб, қонга бўялган, ҳаракатсиз ҳолатини кўриш мумкин.
Тошкент шаҳар ИИББ ЙҲХБ Ахборот хизмати маълум қилишича, ҳодиса соат 05:40 ларда Шота Руставели кўчасида содир бўлган. Malibu русумли автомобил бошқарувчиси юқори тезликда транспорт воситаси устидан назоратни йўқотиб, Caffelito кофе дўкони биносига бориб урилган.
Айни пайтда мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Кечагина Тошкент шаҳрининг Юнусобод туманида содир бўлган оғир йўл-транспорт ҳодисасида Chevrolet Lacetti автомобили кучли зарба оқибатида икки қисмга бўлиниб кетганди. Дастлабки маълумотларга кўра, ҳодиса оқибатида камида бир киши ҳалок бўлган бўлиши мумкин.
Изоҳлар мавжуд емас