Ўзбекистон, Тошкент – Batafsil.uz. Тошкент шаҳар ИИББга ҳавола қилган ҳолда мухбиримиз берган хабарга кўра, Сергели туманида квартира ўғриси қўлга олинган.
1 январь куни ҳуқуқни муҳофаза қилиш идорасига 37 ёшли тошкентлик фуқародан ариза келиб тушган. Унда айтилишича, кундуз пайти, яъни уйда ҳеч ким бўлмаганида кимдир квартирада ўғрилик қилган. Жиноятчилар сейфдаги 20 минг доллар, 8 миллион сўм ва тилла тақинчоқларни олиб кетишган.
Эркак ўз аризасида жиноятчиларни топиш ва тегишли чора кўришни сўраган. Шундан сўнг қидирув тадбирлари бошланган. Кузатув камералари ёрдамида жиноятчининг шахсига тезда аниқлик киритилган. Унинг яшаш жойидан ўғрилик учун қўлланиладиган тегишли ашёлар топилган.
Гумонланувчининг сўзларига кўра, у мос калитдан фойдаланиб, квартирага киришга муваффақ бўлган. Кириб олгандан сўнг, у сейфни очган ва ичидагиларни олиб, яширинган.
Унга нисбатан Жиноят Кодексининг 169 моддаси 4 қисми (“ўғрилик”) бўйича жиноят иши қўзғатилган. Бу қилмиши учун у 15 йилгача озодликдан маҳрум этилиши мумкин. Айни пайтда тергов давом этмоқда.
Изоҳлар мавжуд емас