Ўзбекистон, Тошкент - Batafsil.uz. Туркия ҳудудида қидирувда бўлган икки Ўзбекистон фуқароси мамлакатга қайтарилди. Бу ҳақда Ўзбекистоннинг Истанбул шаҳридаги Бош консулхонаси маълум қилди.
Маълумотга кўра, қидирувда бўлган шахсларнинг жойлашуви икки давлат ҳуқуқни муҳофаза қилувчи органлари ҳамкорлигида аниқланган.
Биринчи фуқаро Ўзбекистон Республикаси Жиноят кодексининг 168-моддаси (фирибгарлик) бўйича қидирувда бўлган. У узоқ вақт Туркия ҳудудида яшириниб келган.
Иккинчи фуқаро эса Жиноят кодексининг 104-моддаси (қасддан оғир тан жароҳати етказиш) бўйича қидирувда бўлган. У Туркия томонидан ушланиб, белгиланган тартибда Ўзбекистонга топширилган.
Ҳозирда ҳар икки шахсга нисбатан ваколатли органлар томонидан тергов ва суд жараёнлари олиб борилмоқда.
Олдинроқ ҳам Туркиядан киберфирибгарлик ва пул ўзлаштиришда айбланиб, қидирувда бўлган 20 ёшли йигит Ўзбекистонга депортация қилинганди. Ҳуқуқ-тартибот идоралари маълумотларига кўра, 10 дан ортиқ ҳамюртларимиз унинг қурбонига айланган.
Изоҳлар мавжуд емас