Ўзбекистон, Тошкент - Batafsil.uz. Навоий вилоятида сунъий тошларни қимматбаҳо тошлар деб, 1,3 миллион долларга сотмоқчи бўлган фирибгарлар қўлга олинди. Жиноий схема божхоначилар, ДХХ ва ИИВ ходимлари билан ҳамкорликда ўтказилган махсус операция давомида фош этилган.
Тергов маълумотларига кўра, жиноий гуруҳ аъзолари эҳтимолий харидор билан олдиндан келишиб, 450 граммдан ортиқ қизил қиррали сунъий тошларни ёқут деб сотишга уринган. Битим нархи - бир грамм учун 3 минг доллар. Келишилган сумманинг бир қисми жиноятчиларга аванс сифатида берилди. Айнан шу пайтда улар қўлга олинган.
Кейинчалик маълум бўлишича, ушбу тошларнинг ҳақиқий бозор нархи атиги 12 миллион сўм атрофида бўлиб, эълон қилинган нархдан ўнлаб баравар паст.
Ҳозирда қўлга олинганларга нисбатан Жиноят кодексининг 168-моддаси (фирибгарлик) билан жиноят иши қўзғатилган. Терговга қадар текширув ўтказилмоқда.
Изоҳлар мавжуд емас