Ўзбекистон, Тошкент - Batafsil.uz. Зўрлашда гумонланиб халқаро қидирувда бўлган Ўзбекистон фуқароси Грузиядан экстрадиция қилиниб, тергов ҳаракатларини давом эттириш учун ватанига олиб келинди.
ИИВ маълумотларига кўра, гумонланувчини топшириш Ўзбекистон Интерпол Миллий марказий бюроси ва Грузия ҳуқуқни муҳофаза қилиш органларининг мувофиқлаштирилган иши туфайли амалга оширилган. Эркак жиноят содир этганидан сўнг ушбу мамлакат ҳудудида терговдан яширинган ва Интерпол линияси орқали қўлга олинган.
Экстрадиция қилинган шахс Интерполнинг Ўзбекистондаги бюроси ходимлари ҳамроҳлигида Ўзбекистонга олиб келинди ва ҳуқуқ-тартибот идоралари вакилларига топширилди. Унга нисбатан тергов ҳаракатлари давом этмоқда.
Бу Интерпол каналлари орқали гумонланувчиларни топшириш билан боғлиқ учинчи ҳолатдир - аввалроқ халқаро қидирувда бўлган икки айбланувчи Грузиядан Ўзбекистонга экстрадиция қилинган эди.
Изоҳлар мавжуд емас