Ўзбекистон, Тошкент - Batafsil.uz. Бугун, 6 декабрь куни, эрта тонг соат 02:04 да ва кечки 19:18 да Ўзбекистонда икки маротаба зилзила содир бўлди. Магнитудаси 3,4 балл бўлган ер ости силкинишлари Наманган вилоятининг Поп туманида қайд этилди. Ер ости тебранишлари 19:18:21 да содир бўлган. Республика Сейсмология маркази маълумотларига кўра, эпицентрда зилзила кучи 4 баллни ташкил этган.
Бундан олдин, эрталаб содир бўлган зилзилада Тошкент аҳолиси енгил тебранишларни ҳис қилганди. Маълумотларга кўра, у ҳам Наманган вилоятининг Поп туманида содир бўлган. Ер ости тебранишларининг кучи эпицентрда 5 баллни ташкил этган.
Тебранишлар қуйидаги ҳудудларда сезилган:
- Наманган вилояти — 3 балл
- Фарғона вилояти — 2–3 балл
- Андижон вилояти — 2 балл
- Тошкент шаҳри — 2 балл
- Сирдарё вилояти — 2 балл
Зилзиланинг магнитудаси 4,5 ни ташкил этган.
Изоҳлар мавжуд емас