Ўзбекистон, Тошкент - Batafsil.uz. Жаҳон чемпионати гуруҳ босқичидан ўрин олган Ўзбекистон ва Португалия терма жамоалари ўртасидаги баҳс португалияликларнинг йирик ғалабаси билан якунланди.
Учрашувнинг 6-дақиқасида Криштиану Роналду ҳисобни очди. 16-дақиқада Ҳамробеков ишлатган қоидабузарликдан кейин белгиланган жарима зарбаси орқали Нуну Мендеш ҳисобни 2:0 кўринишига олиб келди.
28-дақиқада Азизжон Ғаниев Португалия дарвозасини ишғол қилган бўлса-да, ҳакамлар голни қоидабузарлик сабабли бекор қилди.
38-дақиқада Роналду ўзининг иккинчи голини киритиб, жамоасининг устунлигини янада оширди. Иккинчи бўлимнинг 60-дақиқасида эса Неъматовга тегган тўп дарвозага кириб кетди ва автогол қайд этилди.
Ўйиннинг 87-дақиқасида Рафаэл Леау Португалиянинг бешинчи голига муаллифлик қилди.
Шу тариқа Португалия терма жамоаси Ўзбекистонни 5:0 ҳисобида мағлуб этди.
Изоҳлар мавжуд емас