Ўзбекистон, Тошкент — Batafsil.uz. Кеча, 21 октябрь куни, Мирзо Улуғбек туманида содир бўлган йўл-транспорт ҳодисаси ҳақида Тошкент шаҳар ИИББ ЙҲХБ Ахборот хизмати маълумот берди.
Дастлабки хабарларга кўра, вояга етмаган бола ўзбошимчалик билан акасига тегишли автомобилни олиб чиқиб кетган ва катта тезликда ҳаракатланаётган пайтида бошқарувни йўқотган. Натижада йўлнинг четида турган Матиз русумли автомобилнинг ён қисмига бориб урилган. Гувоҳларнинг сўзларига кўра, тўқнашувдан сўнг машина айланиб кетиб, мувозанатини йўқотган ва овқатланиш шахобчасига қисман зарар етказган.
Воқеадан сўнг боланинг ота-онаси ушбу ҳолатдан чуқур пушаймон эканликларини билдирди. Улар бу каби ҳолат қайта такрорланмаслиги учун фарзандларини қатъий назорат остига олишга, автомобил калитларини эса хавфсиз жойда сақлашга ваъда берди.
Ҳодиса оқибатида тан жароҳати олганлар қайд этилмаган. Ҳолат юзасидан тегишли тартибда баённома расмийлаштирилган.
Эслатиб ўтамиз, куни кеча, Қашқадарё вилоятининг Косон туманида тез ёрдам машинаси ва яна тўртта автомобил иштирокида йўл-транспорт ҳодисаси содир бўлгани ҳақида хабар берган эдик.
Изоҳлар мавжуд емас