Ўзбекистон, Тошкент - Batafsil.uz. Истанбулнинг Бақиркўй Республика бош прокуратураси томонидан олиб борилаётган иккита алоҳида суриштирув доирасида 24 нафар гумонланувчини қўлга олиш бўйича қарор чиқарилди. "Гиёҳвандлик" ва "фоҳишабозлик"ка қарши ўтказилган амалиётлар давомида шу пайтгача 15 киши, жумладан, таниқли актёрлар, хонандалар, тадбиркорлар ва блогерлар қўлга олинган.
Бош прокуратура берилган хабарга кўра, жамият саломатлиги ва хавфсизлигига таҳдид солувчи гиёҳвандликка қарши кураш доирасида жамоатчиликка танилган шахсларнинг тақиқланган моддаларни истеъмол қилгани, ундан фойдаланишга шароит яратгани ёки жой ажратгани бўйича аниқ далиллар тўпланган. Шу муносабат билан Истанбул вилоят жандармерия қўмондонлигига 18 нафар гумонланувчини ушлаш, тинтув ўтказиш ва биологик намуналар олиш бўйича топшириқ берилган.
Шунингдек, прокуратура томонидан ноқонуний моддалар таъминоти ва фоҳишалик жиноятлари бўйича яна бир суриштирув доирасида қўшимча 6 кишини ушлашга фармойиш берилиб, жами 24 кишини қўлга олиш белгиланган. Тезкор тадбирлар давомида ҳозиргача 15 нафар шахс, жумладан Арас Булут Ийнемли, Сейфуллоҳ Соғир (Sefo), Мелис Сезен, Нилпери Шаҳинкая, Ҳанде Демир, Ҳасан Шаш ва бошқа қатор санъат ҳамда шоу-бизнес вакиллари ушланган.
Таъкидлаш жоизки, бундай операциялар мунтазам ўтказиб келинмоқда. Машҳурлар орасида биринчилардан бўлиб Доғукан Гўнгўр ва ижтимоий тармоқ фаоли Бурак Олтиндағ январьда қўлга олинганди.
Бундан ташқари актёр Бурак Дениз, актриса Серра Пиринч ва Энес Гюлердан апрель ойида олинган намуналарда марихуана ва кокаин излари аниқланган. Қўшиқчи Утку Юнсалда эса марихуана моддаси қайд этилган. Шу билан бирга, Симге Сагын таҳлилларида дори воситаси таркибидаги модда аниқлангани маълум қилинганди.
Қўлга олинганлар орасида машҳур қўшиқчи Кенан Доғулу, актриса Берен Саат, актёр Энис Арикан, блогер Керимжан Дунмаз, шунингдек қатор санъат ва шоу-бизнес вакиллари ҳам бор.
Изоҳлар мавжуд емас