Ўзбекистон, Тошкент - Batafsil.uz. Ўзбекистон терма жамоаси бош мураббийи Фабио Каннаваро Португалияга қарши ўйиндан кейин жамоа ҳаракатларини юқори баҳолади. Унинг таъкидлашича, Жаҳон чемпионатидаги илк иштирок осон кечмаслиги аввалдан маълум эди.
Қуръа натижалари чиққанидан сўнг Колумбия ва Португалия каби кучли рақиблар билан бир гуруҳдан ўрин олингани жамоани оғир синовлар кутаётганини кўрсатган. Каннаваро Колумбияга қарши баҳсдан кейин ҳам, Португалияга қарши ўйиндан кейин ҳам футболчиларидан фахрланишини билдирган.
Унинг сўзларига кўра, жамоа катта қийинчиликларга дуч келган бўлса-да, бир лаҳза ҳам таслим бўлмаган. Мураббий юқори савиядаги футболчилар жамланган жамоаларга қарши ўйнаш ҳар доим мушкул бўлишини қайд этиб, ушбу Жаҳон чемпионати Ўзбекистон учун муҳим тажриба вазифасини ўтаётганини таъкидлаган.
Эслатиб ўтамиз, 23 июнь куни АҚШнинг Хьюстон шаҳрида бўлиб ўтган баҳсда Ўзбекистон терма жамоаси Португалияга 0:5 ҳисобида мағлуб бўлди.
Изоҳлар мавжуд емас