Ўзбекистон, Тошкент - Batafsil.uz. Футбол бўйича 2026 йилги жаҳон чемпионатининг L гуруҳида 2-тур учрашувлари якунланди. Англия ва Гана терма жамоалари ўртасидаги баҳсда ҳисоб очилмаган бўлса, Хорватия Панама устидан минимал ҳисобда ғалаба қозонди.
АҚШнинг Фоксборо шаҳридаги "Жиллетт" стадионида бўлиб ўтган учрашувда Англия ва Гана терма жамоалари 0:0 ҳисобида дуранг ўйнади. Англия футболчилари ўйин давомида бир қатор хавфли вазиятлар яратган бўлса-да, дарвозалар дахлсиз қолди. Натижада ҳар икки жамоа бир очкодан жамғарди.
Гуруҳнинг иккинчи баҳси Канададаги Торонто шаҳрининг BMO Field стадионида бўлиб ўтди. Унда Хорватия Панамани 1:0 ҳисобида мағлуб этди. Учрашувдаги ягона гол 54-дақиқада ҳужумчи Анте Будимир томонидан киритилди.
Иккинчи турдан сўнг L гуруҳида Англия ва Гана 4 очкодан тўплаб пешқадамлик қилмоқда. Хорватия ҳисобида 3 очко мавжуд. Панама эса икки ўйиндан кейин ҳам очко жамғара олмади.
Гуруҳнинг ҳал қилувчи 3-тур баҳслари 28 июнь куни бўлиб ўтади. Унда Англия Панамага қарши майдонга тушса, Гана Хорватия билан плей-офф йўлланмаси учун кураш олиб боради.
Аввалроқ Жаҳон чемпионатининг амалдаги жаҳон чемпиони Аргентина терма жамоаси Австрияни 2:0 ҳисобида мағлуб этиб, муддатидан аввал плей-офф босқичига йўлланма олганди. Учрашувда ҳар икки голга Лионел Месси муаллифлик қилган эди.
Изоҳлар мавжуд емас