Ўзбекистон, Тошкент - Batafsil.uz. Ўзбекистон спорт терма жамоаси Осиё ўйинларидаги иштирокини умумжамоа ҳисобида 5-ўрин билан якунлади. Вакилларимиз мусобақа давомида 21 та олтин, 25 та кумуш ва 24 та бронза, жами 70 та медални қўлга киритди.
Маълум қилинишича, турнир жадвалида Ўзбекистон Хитой, Япония, Жанубий Корея ҳамда Ҳиндистондан кейинги ўринни эгаллаган.
Вакилларимиз Ҳиндистон билан бир хил миқдорда олтин медаль жамғарган бўлса-да, кумуш медаллар сони бўйича улардан ортда қолган.
Маълумот учун, 2022 йилда Хитойнинг Ханчжоу шаҳрида ўтказилган Осиё ўйинларида Ўзбекистон 22 та олтин, 18 та кумуш ҳамда 31 та бронза медаль билан 5-ўринни эгаллаган эди. Ушбу кўрсаткич мамлакат терма жамоаси учун ҳозиргача энг яхши натижа бўлиб қолмоқда.
Эслатиб ўтамиз, аввалроқ Бирлашган Араб Амирликларининг Дубай шаҳрида бўлиб ўтган V Ёшлар Пара Осиё ўйинларида Ўзбекистон спорт делегацияси муваффақиятли иштирок этиб, умумжамоа ҳисобида мусобақанинг энг юқори поғонасини забт этганди.
Изоҳлар мавжуд емас