Ўзбекистон, Тошкент - Batafsil.uz. Ўзбекистонлик гроссмейстер Жаҳонгир Воҳидов Абу-Дабидаги 32-Халқаро шахмат фестивали доирасида ўтказилган "Masters" турнирида ғолиб бўлди. У 9 имкониятдан 7 очко тўплади ва бирорта ҳам ўйинда мағлуб бўлмади.
Тўққиз турда Воҳидов бешта ғалаба ва тўртта дуранг қайд этди. Сўнгги турда ўзбекистонлик спортчи Александр Раҳмонов билан очколарни бўлишиб, яқин орадаги рақибларидан ярим очко олдинда биринчи ўринни сақлаб қолди.
Турнир Швейцария тизими бўйича 15 март куни бўлиб ўтди. Воҳидов мусобақани 2508 рейтинг билан 14-рақамда бошлаган бўлса, якунда 2678 очкога эришди.
Аввалроқ FIDE россиялик шахматчиларни сентябрь ойида Самарқандда бўлиб ўтадиган Бутунжаҳон шахмат олимпиадасига киритмагани хабар қилинганди.
Изоҳлар мавжуд емас