Ўзбекистон, Тошкент - Batafsil.uz. Чоршанба куни кечқурун Индонезиянинг Бали ороли соҳилида Шарқий Явадан келаётган паром чўкиб кетди. Кема денгизга чиққанидан 25 дақиқа ўтиб, сув остига чўкиб кетган. Бортда 65 киши - 53 йўловчи ва 12 экипаж аъзоси бўлган.
Расмий маълумотларга кўра, тўрт киши ҳалок бўлгани тасдиқланган, 23 киши қутқарилган. Қолганларининг тақдири номаълумлигича қолмоқда, қидирув-қутқарув ишлари давом этмоқда. Воқеа жойида фавқулодда хизматлар ва ғаввослар ишламоқда.
Маҳаллий ОАВнинг дастлабки хабарларига кўра, ҳодисага техник носозлик сабаб бўлган бўлиши мумкин. Экипаж ҳалокатдан бироз олдин двигателдаги муаммолар ҳақида сигнал берди. Кўп ўтмай кема сув остига чўка бошлади.
Ява ва Бали ўртасидаги йўналиш маҳаллий аҳоли ва транспорт компаниялари томонидан кенг қўлланилади. Паром бортида автомобиллар, жумладан, юк машиналари ҳам бор эди.
Изоҳлар мавжуд емас