Ўзбекистон, Тошкент - Batafsil.uz. Бирлашган Араб Амирликлари 2026 йил 1 майдан бошлаб ОПЕК ва ОПЕК+ ташкилотларидан расман чиқишини эълон қилди. Ушбу ташкилотларда давлат 60 йилдан бери иштирок этиб келмоқда эди.
БАА 1967 йилдан бери ушбу нефть картелининг аъзоси ҳисобланар эди. Мамлакат жаҳон нефть захираларининг қарийб 6 фоизига ва глобал нефть экспортининг 8 фоизига эгалик қилади.
БАА Энергетика вазири Суҳайл ал-Мазруийнинг таъкидлашича, ОПЕК томонидан белгиланган қатъий квоталар тизими Амирликларнинг бозор талабларига мослашувчан жавоб беришига тўсқинлик қилган. Мамлакат нефть қазиб олиш қувватларини кенгайтириш учун миллиардлаб доллар сармоя киритган ва эндиликда ушбу қувватлардан тўлиқ фойдаланмоқчи.
Маълумотларга кўра, араб давлатларининг Эрон ҳужумларига қарши етарлича чора кўрилмаётгани борасидаги танқидлари ҳам ташкилот билан алоқаларнинг узилишига қўшимча сабаб бўлган.
Ушбу қадам БААга ҳамкорлар ва инвесторлар билан глобал нефть талабини қондириш йўлида самаралироқ ишлаш имконини беради. Бироқ экспертларнинг фикрича, БААдек йирик ишлаб чиқарувчининг чиқиши ОПЕКнинг жаҳон нефть нархини тартибга солиш имкониятларига сезиларли таъсир кўрсатиши мумкин.
Маълумот учун, ОПЕК 1960 йилда нефть сиёсатини мувофиқлаштириш учун ташкил этилган бўлса, ОПЕК+ формати 2016 йилда Россия ва Қозоғистон каби давлатлар иштирокида кенгайтирилган.
Изоҳлар мавжуд емас