Ўзбекистон, Тошкент - Batafsil.uz. Бразилиянинг Гуарульюс шаҳрида LATAM Brasil авиакомпаниясига тегишли бўлган Airbus A320 самолёти учиш-қўниш йўлагидаёқ ёниб кетди. Самолёт бортида 180 га яқин йўловчи бўлган.
Гувоҳларнинг сўзларига кўра, аввал салон ичида кучли заҳарли тутун пайдо бўлган, кейинчалик иллюминаторлар орқали олов кўрина бошлаган. Экипаж дарҳол фавқулодда эвакуацияни бошлаб, барча йўловчиларни қутқаришга ҳаракат қилган.
Ҳозирда жабрланганлар ҳақида аниқ маълумотлар йўқ.
Эслатиб ўтамиз, Европа Иттифоқининг Авиация хавфсизлиги агентлиги (EASA) айнан Airbus A320 русумли самолётларидаги дастурий таъминот носозлигини мажбурий тузатиш бўйича фавқулодда кўрсатма чиқарганди. Ушбу чора-тадбир глобал флотнинг 6 000 га яқин самолётига таъсир қилган. Бироқ носозлик сабаб яна муаммолар бўлмоқда.
Изоҳлар мавжуд емас