Ўзбекистон, Тошкент - Batafsil.uz. Ульяновскда ҳуқуқ-тартибот идоралари вояга етмаган қизнинг жинсий дахлсизлигига қарши оғир жиноят содир этганликда гумонланиб, икки нафар Ўзбекистон фуқаросини қўлга олди. Гумонланувчилар 15 йилдан 20 йилгача озодликдан маҳрум этилиши мумкин.
Жиноят шаҳарнинг Ленин туманида содир бўлган. Тергов маълумотларига кўра, икки нафар чет эл фуқароси 13 ёшли қизга нисбатан ноқонуний хатти-ҳаракатлар содир этган. Қўлга олинганларга нисбатан Россия Жиноят кодексининг 131-моддаси 4-қисми ("Ўн тўрт ёшга тўлмаган жабрланувчини зўрлаш") билан жиноят иши қўзғатилган.
Россия Тергов қўмитаси раиси Александр Бастрикин шахсан ўзи тергов жараёни тўғрисидаги ҳисоботни талаб қилди. Воқеа тафсилотлари тергов ва вояга етмаган қизнинг ҳуқуқларини ҳимоя қилиш мақсадида ҳозирча ошкор этилмаяпти.
Айни пайтда терговчилар жиноятчилар билан ишламоқда. Яқин кунларда Тергов қўмитаси қамоққа олиш тарзидаги эҳтиёт чорасини танлаш тўғрисидаги илтимоснома билан судга мурожаат қилади.
Аввалроқ Владивосток суди пляжда қизни гуруҳ бўлиб зўрлаганликда айбдор деб топилган уч нафар Ўзбекистон фуқаросининг қамоқ муддатини узайтирган эди. Прокуратура дастлабки жазони жуда енгил деб ҳисоблаб, ҳукмни қайта кўриб чиқишга икки марта эришди.
Изоҳлар мавжуд емас