Ўзбекистон, Тошкент - Batafsil.uz. Ироқ шарқидаги Ал-Қут шаҳридаги савдо марказида юз берган йирик ёнғин оқибатида камида 60 киши ҳалок бўлди, яна 11 киши бедарак йўқолган. Вайроналар остида бошқа қурбонларнинг жасадлари қолмоқда. Мамлакатда уч кунлик мотам эълон қилинди.
Ёнғин савдо марказининг беш қаватли биносини бир кун олдин тунда қамраб олган. Ёнғинга қарши курашиш учун полиция барча фуқаро мудофааси кучларини сафарбар қилди. Ёнғин сабаби номаълумлигича қолмоқда.
"Биз 59 нафар қурбоннинг рўйхатини туздик, уларнинг шахси аниқланди, бироқ бир жасад шу қадар қаттиқ куйганки, уни аниқлаш жуда қийин," - деди шаҳар соғлиқни сақлаш бошқармаси вакили.
Бундан ташқари, вайроналар остидан ҳали чиқариб олинмаган жасадлар ҳақида ҳам маълумотлар бор.
Органлар фожиа юзасидан тергов бошлаган, унинг натижалари 48 соатдан кейин эълон қилиниши айтилмоқда. Бундан ташқари, расмийлар савдо маркази эгасига қарши даъво қўзғатган.
Эслатиб ўтамиз, Белгияда мусиқа фестивалининг расмий очилишидан икки кун олдин ёнғин унинг асосий саҳнасини бутунлай вайрон қилган эди.
Изоҳлар мавжуд емас