Ўзбекистон, Тошкент - Batafsil.uz. Мадуро эълон қилган суратлар 25 июнь куни олинган бўлса-да, орадан икки ойдан ортиқ вақт ўтиб, 30 август куни жамоатчиликка тақдим этилди. Кадрларда Мадуро кулранг спорт кийимида акс этган ва қўли билан "V" ишорасини кўрсатган.
Мадуро суратларни ўзининг Telegram ва X'даги аккаунтларида эълон қилди. У уларни набиралари, фарзандлари ва уни қўллаб-қувватлаётган инсонларга "кичик совға" сифатида юборганини айтди.
У, шунингдек, ўзи ва рафиқаси Силия Флорес "мустаҳкам, хотиржам ва ишонч билан" турганини таъкидлади.
Бу Мадуронинг 2026 йил январь ойида АҚШ махсус кучлари томонидан Венесуэладан олиб кетилганидан кейин ҳибсдаги ҳолатини кўрсатувчи илк суратларидир.
Эслатиб ўтамиз, Николас Мадуро ва Силия Флорес 3 январь куни Каракаста ўтказилган АҚШ операцияси давомида қўлга олиниб, АҚШга олиб кетилган. Уларга гиёҳванд моддалар савдоси ва қурол билан боғлиқ жиноятларда айблов қўйилган. Мадуро ва Флорес айбловларни рад этмоқда.
АҚШ суди Мадуро ва Флорес иши бўйича суд жараёнини 2027 йил 1 июнда бошлашни белгилаган.
Изоҳлар мавжуд емас