Ўзбекистон, Тошкент - Batafsil.uz. Россия президенти Владимир Путин Украина президенти Владимир Зеленскийнинг тўғридан-тўғри музокаралар ўтказиш ҳақидаги таклифига муносабат билдирди.
Санкт-Петербург халқаро иқтисодий форуми доирасида сўзга чиққан Путин ҳозирги шароитда бундай учрашувни ўтказишда маъно кўрмаётганини айтган. Унинг таъкидлашича, давлат раҳбарлари ўртасидаги музокаралар муайян келишувлар ва тайёргарлик ишларига асосланиши керак.
Россия президентининг сўзларига кўра, унга май ойида бир тадбиркор орқали Киев томонидан эҳтимолий учрашув ҳақида хабар етказилган. Путиннинг айтишича, мазкур тадбиркор Украинага ташриф буюриб, Зеленский билан учрашганидан кейин бу ҳақда маълумот берган.
Путин шунингдек, кейинчалик Украина Қуролли кучлари томонидан амалга оширилган ҳужумдан сўнг мазкур масала юзасидан мулоқот давом этмаганини қайд этган.
Аввалроқ Украина президенти Владимир Зеленский очиқ мурожаат билан чиқиб, Россия билан тўғридан-тўғри музокаралар ўтказиш ва музокаралар даврида ўт очишни тўхтатишни таклиф қилган эди.
Изоҳлар мавжуд емас