Ўзбекистон, Тошкент - Batafsil.uz. Венесуэлада 25-июн куни иккита кучли зилзила қайд этилди, бунинг оқибатида мамлакатда фавқулодда ҳолат эълон қилинди. Табиий офат туфайли пойтахт Каракасда бинолар қулаб тушди, жабрланганлар ва бедарак йўқолганлар борлиги хабар қилинмоқда.
Геологик хизматлар маълумотига кўра, мамлакатда 7,2 ва 7,5 магнитудали иккита зилзила содир бўлган. Муваққат президент Делси Родригес аҳолини ваҳимага тушмасликка чақириб, вазиятни назорат остига олиш учун зарур чоралар кўрилаётганини билдирган. Зилзила оқибатида Каракас халқаро аэропорти жиддий зарар кўргани сабабли ёпилган, метро ва темир йўл тизими ҳаракати тўхтатилган.
Энг кўп зиён кўрган ҳудудлар қаторида пойтахт Каракас, Миранда, Ла-Гуайра, Арагуа, Карабобо ва Фалкон штатлари қайд этилмоқда. Айни дамда фавқулодда вазиятлар хизмати вайроналар остида қолган фуқароларни қутқариш ишларини олиб бормоқда.
Хусусан, Каракаснинг Чакао муниципалитетида қутқарувчилар бир бинонинг ўзидан 18 нафар омон қолган фуқарони чиқариб олган. Фалкон штатида 22 киши жароҳатлангани ва 15 киши бедарак йўқолгани айтилмоқда.
Мамлакатда зилзиладан кейин 20 дан ортиқ афтершок кузатилган. АҚШ ҳукумати эса Венесуэлага қидирув-қутқарув гуруҳлари ҳамда тиббий-гуманитар ёрдам жўнатишга тайёрлигини маълум қилган. Расмийлар аҳолини шикастланган биноларни зудлик билан тарк этишга чақирмоқда.
Қурбонларнинг аниқ сони бўйича ҳозирча расмий маълумот берилгани йўқ.
Венесуэлада 7 магнитудадан юқори иккита зилзила қайд этилди
9
Ўзбекистон бўйлаб янгиликлар: Telegram-каналга уланинг
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0
Изоҳлар мавжуд емас