Ўзбекистон, Тошкент - Batafsil.uz. Германиянинг Volkswagen автоконцерни кенг кўламли таркибий ўзгартириш таклифлари туфайли ходимларнинг норозилигига дуч келди. The Guardian маълумотларига кўра, режа Германиядаги тўрттагача корхонага таъсир қилиши ва катта иш ўринларининг қисқаришига олиб келиши мумкин.
Volkswagen раҳбари Оливер Блуменинг жамоаси томонидан тайёрланган реструктуризация режаси пайшанба куни биринчи марта кузатув кенгашига тақдим этилди.
Нуфузли IG Metall касаба уюшмаси томонидан ташкил этилган намойишлар компания бош қароргоҳи, Audi, Porsche заводлари, шунингдек, юк машиналари ва автобуслар ишлаб чиқарувчи MAN компаниясига таъсир кўрсатди.
Германиянинг Ганновер, Эмден, Цсвиккау ва Неккарзульмдаги Audi заводлари тугатилиш хавфи остида қолди ва бу касаба уюшмалари ва маҳаллий сиёсатчиларнинг жиддий қаршилигига, шу жумладан иш ташлашларга олиб келиши кутилмоқда.
Эслатиб ўтамизки, июнь ойида Германия ва Ўзбекистон икки томонлама ҳамкорликни мустаҳкамлаш ва немис инвестицияларини 2 миллиард долларгача ошириш доирасида Тошкентда Volkswagen автомобилларини йиғишга келишиб олган эди.
Изоҳлар мавжуд емас