Ўзбекистон, Тошкент - Batafsil.uz. Таниқли шоира ва жамоат арбоби Шарифа Салимова 5 август куни оғир хасталикдан сўнг 75 ёшида оламдан ўтди. Унинг қарийб ярим асрлик фаолияти замонавий ўзбек адабиёти ҳамда маданияти ривожига муносиб ҳисса қўшди.
Унинг вафоти тўғрисида Ўзбекистон Ёзувчилар уюшмаси хабар берди.
Адиба "Ҳаёт завқи", "Хизр булоғи", "Ватан суврати" каби шеърий тўпламлар ҳамда "Қаддингни тик тут, аёл!", "Ватан" сингари машҳур қўшиқлар матни муаллифи ҳисобланади. Шунингдек, у 2024 йилда қатағон қурбони бўлган аёллар тақдирига бағишланган "Қабоҳат салтанати ёхуд қор қўйнида лолалар" номли илк йирик эпик романини нашр эттирган эди.
Бундан ташқари, Шарифа Салимова ижтимоий-сиёсий ҳаётда ҳам фаол бўлиб, 1999–2009 йилларда Олий Мажлис депутати ҳамда Оила ва аёллар муаммолари комиссияси раиси сифатида меҳнат қилган.
Унинг хизматлари "Ўзбекистон халқ шоири", "Ўзбекистонда хизмат кўрсатган маданият ходими" унвонлари ва "Меҳнат шуҳрати" ордени билан тақдирланган.
Изоҳлар мавжуд емас